थिमिको भुइफसि जात्रा सम्पन्न

विजयादशमीको अवसरमा मध्यपुर थिमिस्थित बालकुमारीमा मनाइने प्रसिद्ध भुइफसि (कुभिण्डे) जात्रा आज सम्पन्न भएको छ। स्थानिय नेवार भाषामा ‘खां पिहां वइगु’ भनेर चिनिने सो जात्रा घटस्थापनाको दिन थिमिको लायकूस्थित तलेजू मन्दिरमा जमरा राखी सुरु भएको थियो। कुभिण्डेजात्रामा फूलपातीका दिन सिद्धिकाली मन्दिरबाट फूलपाती ल्याई तलेजू दसैंघरमा भित्र्याएपछि नवमीका दिन राँगो र बोकाको टाउको बली दिने परम्परा रहिआएको छ।